Pakistan defeated India

پاکستان نے بھارت کو شکست دےدی

پاکستانی مارشل آرٹسٹ نعمان محسود نے بھارت کے امان چھتریا کا کیپ اپس کا گنیز بک ورلڈ ریکارڈ توڑا ہے، ریکارڈ کی تصدیق گنیز بک آف ورلڈ ریکارڈ نے ای میل کے ذریعے کی۔
نعمان محسود نے ایک منٹ میں 52 کیپ اپس کرکے ریکارڈ اپنے نام کیا، بھارت کے امان چھتریا نے ایک منٹ میں 47 کیپ اپس کیے تھے۔
واضح رہے کہ مارشل آرٹسٹ نعمان محسود 42 گنیز بک ورلڈ ریکارڈ ہولڈر ہیں اور عرفان محسود کے شاگرد ہیں۔
نعمان محسود نے کا کہنا تھا کہ بھارت کا عالمی ریکارڈ توڑ کر فخر محسوس کررہا ہوں پاکستان کے لئے مزید کامیابیاں سمیٹنا چاہتا ہوں۔ یاد رہے کہ اس سے قبل بھی عرفان محسود کے 5 شاگرد اپنا نام گنیز بک آف ورلڈ ریکارڈ میں درج کراچکے ہیں۔
خیال رہے کہ اس سے قبل جنوبی وزیرستان سے تعلق رکھنے والے عرفان محسود نے امریکی ریکارڈ ہولڈر رون کوپر کا گنیز ورلڈ ریکارڈ توڑا تھا، عرفان محسود نے ایک منٹ میں ایک پاؤں پر 40 پونڈ وزن کے ساتھ 60 پش اپس لگا کر ریکارڈ اپنے نام کیا تھا.
امریکی شہری ہولڈر رون کوپر نے ایک منٹ میں 40 پونڈ وزن کے ساتھ 53 پش اپس لگائے تھے۔

Facebook Comments
50% LikesVS
50% Dislikes